ကြာလည်း မမေ့တဲ့ရွာ ((( စိုးသန့်- GTC )))

တောရွာလေးတစ်ရွာပေါ့ကွယ်.....
ရွာအ၀င်မှာ အရိပ်ကောင်းကောင်းပေးနိုင်တဲ့ညောင်ပင်ကြီးရယ်..ညောင်ပင်အောက်မှာ ရေအိုးစင်လေးရယ်ပုလွေတစ်လက်နဲ့နွားကျောင်းသားလေးတစ်ယောက်ရယ်...ရှိနေရမပေါ့......

နောက်ပြီး....
ရှေးဟောင်းလက်ရာသစ်လုံးကြီးတွေနဲ့ဆောက်ထားတဲ့ရွာဦးကျောင်းရယ်.....
ကွမ်းအရမ်းစားတဲ့သီလဖြူစင်တဲ့တောဘုန်းကြီးကျောင်းထိုင်အိုကြီးတစ်ပါးရယ်.....
ကစားလည်းမက်၊ဘုရားစာတွေလည်းကျက်ရတဲ့ကိုရင်လေးတွေရယ်...
ဂျာရစ်ဝိုင်းလေးနဲ့ဘုန်းကြီးကျောင်းသားလေးတွေလည်းရှိရမပေါ့လေ........

နောက်ပြီး...
ရွာလယ်မြေနီလမ်းလေးရယ်...
ဝါးထရံကာခြံဝင်းလေးတွေနဲ့ဓနိမိုးပျဥိထောင်အိမ်လေးတွေရယ်....
နွားတင်းကုပ်လေးတွေ၊စပါးကျီလေးတွေရယ်...
တစ်ရွာလုံးချစ်ရတဲ့သူကြီးနဲ့တစ်ရွာလုံးကြောက်ရတဲ့ထိပ်တုံးလည်းရှိရမပေါ့.....
နေထက်လင်းတို့လို၊သီဟတင်စိုးတို့လိုတစ်ရွာလုံးအားကိုးရမယ့်ကာလသားခေါင်းဆောင်တွေ
လည်းရှိရမပေါ့ကွယ်.....

နောက်ပြီး....
လယ်ကွင်းတွေ၊စိုက်ခင်းတွေရယ်.....
ရွာလည်းမှာလည်းရေကန်ကြီးတစ်ကန်ရှိရမပေါ့....
လယ်ကွင်းတွေထဲကမြန်မာပီပီလူညိုချောကြီးတွေရယ်......
ထမင်းတောင်းလာပို့တဲ့သနပ်ခါးပါးကွက်ကျားနဲ့အိမ်သူသက်ထားလေးတွေ
လည်းရှိရမပေါ့......
ရွာလယ်ရေကန်မှာရေခပ်ဆင်းကြတဲ့အပျိုချောလေးတွေနဲ့
ရေကန်ဘေးကကာလသားခြင်းဝိုင်းလေးပါရှိနေရမယ်လေ........

နောက်ပြီး.....
ညအခါမျိုးဆို
ဗွီဒီယိုရုံယဉ်ကျေးမှုလေးလည်းရှိရမယ်လေ.....
ကွမ်းတောင်ကိုင်လှပျိုဖြူလေးတွေကဗွီဒီယိုလာကြည့်.....
ကာလသားလေးတွေကမရဲတရဲပိုးပန်းကြပေါ့ကွယ်....
တစ်ခါတစ်လေရွာကိုဇာတ်ပွဲလာတဲ့အခါမျိုးဆို......
လယ်ကွင်းထဲမှာ မြေသင်းနံ့လေးသင်းသင်းနဲ့ဆောင်းရဲ့အအေးဓါတ်လေးတွေအံတုရင်း...
အနွေးထည်လေးတွေနဲ့ရှိုးထုတ်ကြတဲ့ရွာသားတွေလည်းရှိရမပေါ့......
အဲလိုဇာတ်ပွဲမျိုးလာရင်
ပွဲဈေးတန်းမှာရောင်းတဲ့ခေါက်ဆွဲကြော်ဆိုရင်သိပ်စားကောင်းတာ...
အကြော်ဆရာရဲ့ရှေ့မှာချိတ်ထားတဲ့ဝက်အူချောင်းတို့၊၀က်သားတို့ဆိုရင်နီရဲလို့ပေါ့.......
ငါးကျပ်၊တစ်ဆယ်ထိုးလို့ရတဲ့ဂလုန်းဂလုန်းလို့ခေါ်တဲ့
အံဂဠုန်လည်းပါရအုံးမပေါ့လေ.......

နောက်ပြီး.....
ဓနိမိုး၊ယိုင်ကာ ယိုင်နဲ့နဲ့စာသင်ကျောင်းလေးတစ်ကျောင်းရယ်.....
အဲဒီကျောင်းထဲမှာ
မြို့ကလာတဲ့ သူ့ဘ၀တစ်ခုလုံးဒီကျောင်းအတွက်မြှုပ်နှံထားတဲ့
တစ်ရွာလုံးကချစ်ပြီးအားကိုးရတဲ့ကျောင်းဆရာလေးတစ်ယောက်ရယ်....
အဖြူအစိမ်းမစုံ၊ခဲတံမစုံ၊စာအုပ်မစုံတဲ့ကျောင်းသားလေးတွေလည်းရှိပါရဲ့......
ရယ်စရာတော့မထင်လိုက်ပါနဲ့.......
ဒီလိုရွာမျိုးတကယ်ရှိခဲ့တာပါ.....
ဟိုးအရင်ကပေါ့လေ........
ကျောင်းဆရာလေးကအခုထိရှိနေတုန်း.....
ဒီလိုစိတ်ကူးယဉ်နေတုန်း....
နောက်ပြီး......
သေဆုံးသွားပြီဖြစ်တဲ့ ဒီရွာလေးကို.....လွမ်းနေတုန်း..........။ ။

By Soe Thant

((((မြိတ်၊ GTC ကျောင်းသားဟောင်း ကိုစိုးသန့်ရဲ့လက်ရာလေးပါ)))))
-----------------------------------
ပိုင်ရှင်ကို ခွင့်မတောင်းတော့ပါဘူး၊ခွင့်ပြုမယ်လို့ ထင်ပါတယ်----
ကျွန်တော်တို့Page ရဲ့ ပထမဆုံး ကဗျာလေးကို ကျွန်တော်ကျောင်းသား
ဘ၀ကတည်းက လေးစားရတဲ့ အစ်ကိုကြီး ကိုစိုးသန့်ရဲ့ ကဗျာလေးနဲ့ နှုတ်ခွန်းဆက်လိုက်ပါတယ်ခဗျာင်္း---------------